Изградбата на колекторскиот систем на албанската страна од Охридското Езеро е во финална фаза, изјави во Охрид министерот за животна средина, Неџат Јакупи, кој е и претседавач на националниот комитет за охридскиот регион. Тој најави дека наскоро ќе отпочне изградбата и на преостанатиот дел од колекторот на македонска страна ,со што Охридското Езеро целосно ќе биде заштитено.
На македонска страна останува уште да се доизградат неколку делници од колекторот на источното крајбрежје на потегот од Лагадин до Свети Наум. Колекторскиот систем ќе биде доизграден до Пештани, додека во селата Трпејца и Љубаништа и во манастирскиот комплекс Св. Наум, планирано е да се изградат пречистителни станици.
