На седница на совет беше изгласана согласноста за годишниот план за  вработување на Општина Охрид за 2022 година. По оваа точка се разви дискусија на која опозициската ВМРО-ДПМНЕ реагираше за преголемата вработеност во општината. Со новиот годишен план за вработување се предвидени 13 пензионирања и 8 нови вработувања.

Како годишен план треба да го изгласаме, меѓутоа 300 луѓе да бидат вработени во општината, кој и да е градоначалник нема да може да го издржи ова. Треба да кратиме на вработувања не да зголемуваме, треба од општината да преструктуираме кон Јавните претпријатија“ истакна советникот Гоце Георгиески од ВМРО-ДПМНЕ.

Реплицираше Секретарот на Општина Охрид, Игор Бежоски кој кажа дека Планот мора да се донесе и дека законски ги опфаќа одредени ставки.

Ние законски мора да го донесеме Планот и веќе е крајниот рок. Ништо не изменуваме. Годишниот план тие ставки пензионирања, унапредувања, нови вработувања мора да ги опфати. Истите што беа планирани што беа за 2020 година некој што останаа ги оставивме за да се донесе како План според закон, истакна Бежоски

На вчерашната седница беше изгласана и согласноста на одлуката за годишниот план за вработување во ЈП „Билјанини извори“ за 2022 година со кој се предвидуваат 14 вработувања. Директорката на претпријатието на прашање од ВМРО- ДПМНЕ одговори дека вработувањата се фиктивни, предвидени по систематизација.

14 не се вработувања тоа е по планот за 2022 по систематизација која што е години, години стара. Ако тие места не ги пополниме ќе треба да правиме нова систематизација со која ќе треба да ги укиниме тие места.Ова ќе помине сега вака, ако јас останам директор јас можам да кажам дека во 2022 година нема да вработиме ни едно лице затоа што се доволно лицата кои работат. Но, за да се пополни планот и за да се пушти онаков каков што е ние мораме да ги пополниме тие места, јас не барам нови вработувања, тоа е фиктивно. Сега имаме 14 вработувања од кои 10 се одржувачи на паркинзи имаме ние такви кои работаат и треба тие да се на работа. А дека канцелариски луѓе ние ќе вработуваме нема да вработуваме, истакна Јованоска.

Директорката објасна дека во планот за вработување во 2022 година се предвидени 10 вработувања за одржувачи на паркинзи и 4 внатрешно интерни огласи за вработени кои треба да се трансферираат од едно на друго работно место во претпријатието.

 

 Кристина А

Фото: А. Момироска