Саудијката Аја Али ал-Мула е прогласена за најубава жена во Саудиска Арабија иако пред жирито не го открила своето лице. На натпреварувањето не можеле да се видат девојки во костими за капење и деколтирани фустани, што е вообичаено за ваквите избори во останатите делови на светот. Победничката и нејзините придружнички поминале повеќе тестови за посветеноста на семејството и општеството.
Добила парична награда од илјада евра, бисерно и дијамантско ланче, часовник обложен со дијаманти и авионска карта за Малезија. Во Саудиска Арабија каде жените мораат во јавност да се покажуваат со целосно скриени лице и тело, не постојат натпреварувања засновани исклучиво на физичкиот изглед.
