– Им честитам на спортистите, пензионерите и новинарите за успешната 2012 година. Спортистите во Охрид донесоа доста врвни резултати кои ги споделија со нас. Се надевам дека и наредната година во ваков голем број ќе се собереме и ќе прослави нови победи на спортот во Охрид – рече Претседателот на Сојузот на спортови во Охрид, Коста Карадимче.
– Се чувствувам исполнет како никогаш досега. Чест и задоволствот е да се биде меѓу овие сите успешни спортисти. Секој успех и постигнат резултатот го славам заедно со нив бидејќи и јас порано игра активно одбојка и кошарка. Како градоначалник на Охрид секогаш застануваме зад спортистите и со сте расположливи средства им помагаме за да ги достигнат нивните најдобри резултати – рече градоначалникот, Александар Петрески, кој доби признание за развојот на спортот во Охрид.
– Ние како здружение неможиме да се носиме со овие спортисти кои се закитија со награди во своите дисциплини. Но, во нашата возрасна категорија веќе две години сме неприкосновени прваци, а ни треба уште една да го донесеме во Охрид пехарот, кој ќе ги краси нашите витрини – истакнаа од Здружението на пензионери од Охрид.
На крајот од свечената цероменија Преседателот на Сојузот на спортови, Коста Карадимче на спортистите и на спортските работници им посака плодна и успешна година.