Иво Санадер денеска поднесе неотповиклива оставка на функцијата премиер на Република Хрватска. Според првичните информации тој ќе се повлече и од лидерската позиција во владејачката ХДЗ.
Санадер попладнево одржа прес конференција на која ја соопшти својата одлука и ја повика нацијата на заедништво.
“Од лични причини поднесувам оставка на местото премиер и претседател
на партијата. Нема да се кандидирам за претседател на Република
Хрватска“, изјави Иво Санадер на прес конференцијата и ги потврди информациите на хрватските медиуми дека неговата функција во владата и во партијата ќе ја преземе Јадранка Косор.
Косор на премиерската функција би можела да стапи веќе во петок, јавија хрватските медиуми.
Ohridnews
