Со средбата помеѓу премиерите, Македонија и Грција почнуваат да го топат мразот, што влева надеж дека ќе се надмине проблемот кој е исправен пред евроатлантските интеграции на земјата, изјави денеска во Охрид претседателот на државата, Ѓорѓе Иванов, кој присуствуваше на потпишувањето на договорот помеѓу Министерството за култура и Амбасадата на САД во Скопје за доделување грант за реставрација на црквата Св. Богородица Перивлепта.– Симболичмо мразот е пробиен премиерите ќе се сретнат и повторно ќе ја повторам мојата покана до грчкиот претседател да се сретнеме и ние како претседатели. И тогаш, а и сега најавувам, тие средби не се ние да го решиме прашањето, туку да покажеме дека како лидери кои ја водат својата земја имаат разбирање за сите проблеми и воспоставуваат дијалог кој треба да биде еден вид порака до сите луѓе дека постои комуникација. Навистина ова што се случува влева надеж дека ќе се најде решение за спорот кој го имаме со Грција и дека конечно ќе се отворат евро-атлантските перспективи на Македонија, рече Иванов.
Претседателот истакна дека во последно време институциите работат со полн капацитет и имаат усогласени ставови, при што изрази надеж дека со помош, на како што рече, „нашите пријатели ќе ги надминеме проблемите“.
Ohridnews
