Втор на листата стрелци на македонските фудбалери кои играат во странство беше Филип Ивановски. 11 постигнати гола беа доволна препорака за Јонуз да го повика Иваноски кој заедно со полската Полонија беше хит на сезоната во таа земја.
Долго време македонската јавност бараше од поранешниот селектор Среќко Катанец во составот да има место и за Ивановски, но Словенецот се правеше „глув“. Сепак, работата се смени откако Мирсад Јонуз дојде за „шеф“ во А-тимот.
– Одлично е чувството да се биде дел од националниот тим, за мене е голема чест што можам да тренирам со овие момци, а очекувам и да дебитирам. Сигурен сум дека ќе ги оправдам очекувањата. Сепак, селекторот одлучува кој ќе добие место во тимот. Мое е само да тренирам и да покажам дека заслужувам шанса, која се надевам дека ќе ја искористам – вели популарниот Фичо, кој наредната сезона со неговата Полонија ќе игра во Евролигата на УЕФА.
М.П.
