Италијанското Министерството за животна средина, територија и море ќе ја поддржи втората фаза од проектот за спроведување на постапка за издавање под концесија на регионалната депонија и управувањето со отпад во Југо-западниот плански регион во кој спаѓа и општина Охрид. Ова го соопштија од Министерството за животна средина и просторно планирање на Република Македонија, по посетата на министерот Неџати Јакупи на Италија.
Во рамките на посетата, министерот Јакупи се сретнал со италијанскиот директор за животна средина, Корадо Клини, при што разговарале за тековните активности и проекти кои се спроведуваат согласно потпишаниот меморандум за соработка помеѓу двете министерства.
-Покрај најавената подршка за проектите за изградба на депонии во Југо-источниот, Полошкиот и Јогозападниот регион, Италијанското Министерството за животна средина, најавило и подршка на и инвестициски проекти и во делот на климатските промени.-информираат од министерството.
Министерот Неџати Јакупи во средината на јануари годинава, во Охрид изјави дека локацијата за изградбата на депонија за отпад за Југозападниот регион се уште не е утврдена, и дека таа ќе се одреди во соработка со локалните власти од регионот и врз препораките на експертите.
