Италија ќе го гради најдолгиот мост во светот

Италија наскоро ќе започне со изградба на најдолгиот мост во светот над Месинскиот теснец.

^{сателитски приказ на Месинскиот теснец}

Висечкиот мост што ќе го поврзува островот Сицилија со Калабрија, ќе биде долг 3.000 метри, а широк ќе биде  над 60 метри. Ќе има шест ленти за автомобили, две за пешаци и железничка линија по која дневно ќе поминуваат по 200 воза.

Досегашен рекордер беше јапонскиот висечки мост Акаши-Каикио – долг околу 2.000 метри.

^{Акаши – Каикио мостот во Јапонија ќе го загуби приматот најдолг во светот?}

Италијанската Влада, кaко што пишува „Сандеј Тајмс“ наспроти рецесијата одлучи да да даде една милијарда евра од државниот буџет за старт на проектот чија вкупна вредност се проценува на околу 6 милијарди евра. Изградбата треба да започне наредната, а да заврши 2016 година.