“Росонерите“ со триумфалниот марш низ Фиренца во 32-та рунда се приближија кон титулата во “Калчо лигата“. Црна дамка на победата на Милан остаде првата виолина Златан Ибрахимовиќ кој заработи црвен картон во финишот на мечот по навредите упатени кон помошникот судија.
Дисциплинската комисија на Италија одлучи да го казни два натпревари неиграње а Ибрахимовиќ на мечот со Фиорентина заработи жолт картон што е петти и следува автоматски еден натпревар пауза. Популарниот “Ибра“ ќе ги пропушти следните три натпревари со Сампдорија, Бреша и Болоња.
