Исклучете ги светилките на еден час за спас на Земјата

Седум илјади градови низ светот, во рамки на иницијативата „Часот на планетата Земја“, денеска, ќе го исклучат  осветлувањето на еден час.

„Часот на планетата Земја“ е глобален повик до поединците, компаниите и
секоја општествена заедница да преземе одговорност и да се вклучи во
акцијата за штедење на енергија и зачувување на енергетските ресурси, а
со тоа и на заедничката иднина.

Кон ацијата по четврти пат ќе се приклучи Македонија. Во периодот од 20:30 до 21.30 часот по локално време треба да ги исклучиме
светилките со што ќе ја покажеме нашата солидарност и ќе се приклучиме на акцијата за борбата против климатските променина која годинава ќе се одвива во 150 држави.