Во организација на ECENA (Enforcement and Compliance Environmental Network for Accession) мрежата за спроведување на законодавството од животната средина денеска во во Охрид започна Првата од вкупно три Програми за размена на Инспекторите за животна средина и пишувачите на дозволи. На работната средба учествуваат претставници од Македонија, Србија, Хрватска, Турција, Босна и Херцеговина, Албанија, Црна Гора, Косово, како и експерти/презентери од Белгија, Хрватска, Романија, Бугарија и нашата држава.
Настанот го отвори министерот за животна средина и просторно планирање Д-р Неџати Јакупи.
Програмата за размена, се фокусира на државите кандидати и потенцијални кандидати за членство во ЕУ, со цел да се зголемат капацитетите преку размена на искуство и најдобрите практики од IMPEL мрежата проектните искуства, IPPC, SEVESO II, директивите за депонирање на отпад, големи согорувачки капацитети-LCP, како и развојот на Европскиот Регистар на загадувачи и пренос на загадувачки материи и борбата против криминалот во животната средина, као дел од повеќегодишната програма на ECENA мрежата 2007-2010 година.
Учесниците на програмата за размена се инспектори и пишувачи на дозволи од ECENA мрежата, експерти и практиционери од IMPEL членките, меѓународни експерти и претставници на подкомитетот на ИНТЕРПОЛ за Криминал во животната средина.
ECENA е неформална мрежа и главната задача на истата е да ги поддржува членките во зајакнувањето и прифатливоста на животната средина во линија на целосно спроведување на легислативата за животна средина во пракса, а во согласност со обврските превземени од препристапниот процес кон ЕУ.
