In Memoriam: Dj Мравка

Во дваесет и деветтата година од животот утрово ненадејно почина познатиот охридски диџеј Јован Слатинец – Dj Мравка. Смртта на Dj Мравка ја шокираше охридската јавност, пред се младата популација на која тој десетина години и ги посветуваше своите музички сетови во кафетериите, клубовите и дискотеките во Охрид.

Во својот краток живот Dj Мравка остави силен белег на охридската клубска сцена и беше еден од предводниците на новата генерација диџеи во Охрид. Клубската денс музика беше препознатливиот стил на Dj Мравка кој воодушевуваше со неговата непосредност, ведар дух и позитивен карактер. Беше почитуван и омилен кај колегите, респектиран од посетителите на неговите забави. Dj Мравка настапувал во сите позначајни клубови во Охрид, а неговите сетови во последниот период беа на редовната програма на Mezzo Forte cafe и ноќниот клуб Cuba Libre.

Прераната смрт на Dj Мравка претставува загуба на еден исклучително музички надарен млад човек, загуба за охридкската клубска сцена и пред се голема загуба за неговото семејството на кое му изразуваме длабоко сочувство. Посмртните останки на Dj Мравка ќе бидат изложени во капелата на градските гробишта во Охрид во понеделник, 16-ти ноември, од 12-13 часот.