Импровокација на 23 ноември во Народен Театар Охрид

Оваа сабота (23 ноември) на керал сцената при Народен Театар Охрид, ќе се изведе втората епизода од шестата сезона на комичното шоу Импровокација. Учествуваат актерите Стрезо Стаматовски, Никола Тодороски и Филип Кипровски, со музичка поддршка од Никола Јосифоски и Филип Ангеличин – Жура, како “совест” на шоуто.

Целта на „Импровокација“ е преку еден неформален и забавен начин да ја демистифицира магијата на создавање театарски игри (сцени) за да го доближи театарот што повеќе до пошироката публика, независно од возраста.

Почеток на претставата е во 20:00 часот.

Билетите можат да се купат во музичката продавница „ЗЗ Топ“ по цена од 200 денари, или да се резервираат на телефонскиот број 075/283066.