Илјадници дрвца ќе бидат засадени на Галичица во големата акција за пошумување на планините зафатени од ланските големи пожари, што ќе започне на 12 март:
Акцијата „Ден на дрвото-Засади ја својата иднина“ која ќе ја предводи оперскиот пејач Борис Трајанов, е поддржана од Владата, невладини организации, „Македонски шуми“, ЗЕЛС, образовни институции и граѓани.
Целта е на овој начин да се ублажат последиците од големите пожари и да се обнови природната вегетација, како и да се влијае на подигнување на еколошката свест кај граѓаните.
Покрај во Охрид акцијата ќе опфати локации и во Струга, Прилеп, Тетово, Гостивар, Велес, Неготино, Струмица, Демир Капија, Кичево, Ресен, Штип, Свети Николе, Пробиштип, Кратово и Куманово.
Во катастофалните пожари што минатото лето го зафатија охридскиот регион изгореа околу 5000 хектари пасишта и шума.
ohridnews
