Фудбалскиот клуб Илинден во наредните 6 кола како домаќин ќе игра на терен 100 километри надвор од Велмеј. Така одлучи дисциплинскта комисија која казната од 6 натпревари играње пред празни трибини ја замени со оддалечување на натпреварите од Велмеј.
Фудбалерот на Илинден Игор Клечкаровски “заработи” забрана на играње на пет меча поради удирање на противнички играч, додека поради немање докази прекината е дисциплинската постапка против фудбалерите на Илинден Дејан Милошевски, Ѓуро Мурџовски и Гоце Марковски .
Ова е втора ваква казна за Илиндеци во втората сезона како настапуваат во Втората Лига. Минатата сезона беа казнети со 8 натпревари .Шест натпревари од тие осум играа во Новаци додека два одиграа во Прилеп.
Фудбалскиот прволигаш Башкими дисциплинците го казнија со максимални 12 меча неиграње пред своите гледачи .
