Влатко Илиевски се приклучи на македонската кошаркарска репрезентација на подготовките во Охрид. Плејмејкерот лани поради повреда ги пропушти квалификациите, но сега комплетно подготовен се стави на располагање на селекторот Марин Докузовски.
– Илиевски е тука , тој ни е повеќе од потребен, и се додека е потребен тој ќе игра за Македонија – кратко коментираше Докузовски.
Илиевски го одработи првиот тренинг со своите соиграчи, напоменувајќи дека е подготвен да го даде најдоброто од себе за Македонија.
– Овде во сум Охрид бидејќи сакам да играм за Македонија – рече Илиевски.
Македонската експедиција во Охрид ќе остане до петок кога заминува за Словенија каде ќе одигра контролни среби со репрезентациите на Словенија и Полска.
М.П.
