Дело на големиот јапонски писател, будистички филозоф и мислител, Даисаку Икеда, за прв пат ќе биде преведено и на македонски јазик. Во спомен куќата на Григор Прличев, денеска(27.01.) во 18:30 ч. ќе биде промовирана книгата “Дијалог за животот“ од Даисаку Икеда. Проектот заеднички го реализираа охридските издавачки куќи “Летра“ и “Маседониа прима“.
Промотори на книгата ќе бидат Пако Кузман и Јордан Плевнеш.
Даисаку Икеда
Триста примероци од книгата на барање на авторот, кој бил воодушевен од квалитетот и дизајнот на преведеното дело, ќе бидат испратени во Јапонија, а пет книги ќе бидат испратени во библиотеката во Вашинктон каде се чуваат примероци од целокупното светско издавачтво.
Даисаку Икеда е добитник на наградата за мир на Обединетите нации, како и на повеќе други награди и признанија.
