Американецот Џон Иснер и Французинот Николас Махут влегоа во историјата на светскиот тенис откако успеаа да одиграат десет часа тенис и да не го завршат својот меч на третиот грен слем Вилмблдон синоќа.
Иснер и Масу играт десет часа и за него, веќе стигнаа до 163 гема, речиси до 1.000 поении поставија рекорди кои се несоборливи и за гинисовата книга за рекорди. Двајцата одлични сервисери, кои еден на друг не си оставија шанса за брејк во петиот сет успеаа да дотрукаат до 59-59 во гемови (4-6, 6-3, 7-6, 6-7 во првите четири сета), пред организторот на Ол-Ингланд клубот реши да го прекине мечот.
Мечот ќе се доигра денеска, а веќе трет ден овие двајца играат меѓусебе за пласман во следната рунда. Мечот почна во вторникот, но беше прекинат и презакажан за вчера, кога и продолжи маратонот, но без крај.
Двајцата тенисери веќе за двојно поставија рекорд во број на гемови, 163, а досегашниот изнесуваше 83. На чекор се да постават и рекорд по број на асови. Иснер треба да отсервира уште два за 100 аса, а Махут има 94. Кога станува збор за најдолгиот меч во историјата, тој од синоќа е надминат за три ипол часа – засега!
Арно Клеман и Фабрис Санторо на „Роланд Гарос“ играа само шест часа и 33 минути пред шест години, што тогаш беше најдолг меч за 11 минути по тој на Џон мекенро и Матс Виландер во Дејвис-купот во 1982 година. На Вимблдон лани, најдолгиот меч беше 16-14 во последниот сет во финалето помеѓу Роже Федерер и Енди Родик.
Ohridnews
