Охриѓанецот Дамјан Пејчиновски го освои првото место на интернационалниот натпревар “Зиа гитарелор контест”, кој се одржа во Букурешт, Романија.
Натпреварот преку интернет предизвикал големо внимание, особено поради составот на жирито, односно професионалците Енди Тимонс, Брет Гарсед, Корадо Скуандура, Фабрицио Дад, Вилијам Стравато.
На многубројните честитки кои стигнаа на адреса на Дамјан се приклучи и градоначалникот на Охрид, Александар Петрески, во честитката се вели:
-Победата со максимално освоените пет ѕвездички од жирито на фестивалот во Букурешт во конкуренција на светската класа гитаристи, е уште една потврда за твојот талент и нагорен развој во кариерата. Истовремено, освојувањето на првото место на оваа престижна манифестација е уште еден бисер во герданот успеси со кои ти и другите талентирани сограѓани го афирмирате Охрид ширум светот. Тоа е и мотив повеќе за нас како локална власт да ве помагаме и поддржуваме во таа ваша благородна мисија корисна за сите нас.
OhridNews
