Девет невработени охриѓани заедно со останатите 70- тина од целата земја наскоро ќе започнат да ги посетуваат специјализираните ИТ курсеви, организирани од страна на Агенцијата за вработување и министерството за информатичко општество.
Денес во Владата, министерот за информатичко општество, Иво Иваноски на 80- те избрани кандидати ќе им ги врачи договорите за посетување на курсевите по што се очекува да започне наставата.
Лицата кои ќе ги посетуваат курсевите беа пријавени на претходно објавените огласи низ градовите во земјава. Трошоците за пат и престој во Скопје каде ќе се одржуваат курсевите ги плаќаат самите пријавени, додека пак вкупните трошоци за посетување на курсевите ги покриваат надлежното министерство и Агенцијата за вработување.
Целта на овој проект е надградба на ИТ вештините на невработените лица, преку спроведување на обуки за стекнување на вештини од областа на информатиката во насока на зголемување на можностите за нивно полесно вклучување во пазарот на трудот.
