Нацрт Деталниот урбанистички план за Урбана Заедница 2, дел од урбан блок 2.2, на општина Охрид 2008-2013, со кој се предвидува изградба на Конгресен центар на просторот кај некогашниот мал полигон, по втор пат ќе се најде пред градските советници. Оваа точка  е на дневен ред на 58-та седница на Советот закажана за денеска.

Расправата за изградба на Конгресниот центар беше одложена на минатата седница на Советот откако дел од советниците побараа повеќе информации за проектот. Во јавноста се шпекулира дека на просторот кој пред повеќе од 7 години ГП Гранит со доби со извршно судско решение заради неплатен долг на општината, ќе никне станбено-деловен комплекс. Ваквите информации деновиве ги демнатираше градоначалникот на Охрид, Александар Петрески.  Тој во изјава објавена на  општинската веб страна ја уверува јавноста дека на просторот кај полигонот ќе се гради капитален објект каков што му недостаува на Охрид.

„Конгресниот центар е потреба за Охрид и тој ќе биде вистинска придобивка за градот кај се стреми да биде развиен и современ. Ние не сме во можност секогаш да се презентираме пред светот и да привлекувме разни гости и манифестации тому заради немањето на една современа дворана, на еден повеќенаменски културен и општествен објект каков што е Конгресниот центар. Мислам дека шпекулациите кај злонамерните завршија, дека и стана јасно на јавноста за што се работи и очекувам по утврдувањето на Нацрт-ДУП од страна на Советот да се спроведе јавната анкета и комплетната постапкаа која е предвидена со законот. Во интерес на Охрид па и Македонија е ова здание да биде реалност што поскоро“, вели Петрески.

Ohridnews