Хуманитарната претстава „Кумови“ за Бојана распродадена, повторно на репертоарот на 31 октомври

Распродадени картите за театарската претстава „Кумови“ која во петок, 25 октомври, ќе биде изведена во хуманитарни цели за нашата сограѓанка Бојана, а во соработка со Опшина Охрид.

Парите од влезниците ќе бидат донирани за нашата сограѓанка Бојана Танеска Бонеска со желба за брзо и успешно опоравување, информираа претходно од Центарот за култура “Григор Прличев”.

Театарската претстава „Кумови” од Душан Ковачевиќ е во режијата на Билге Емин, додека во истата играат Адријана Билаловиќ Тодороска, Никола Тодороски, Елизабета Стефановска Јандреовска, Стрезо Стаматовски и Ивица Цонев. Преводот и драматургијата е на Кристина Тодороска Петреска, за сценографијата е задолжена Татјана Христоска Бажевска, а за костимографијата Марија Пупуческа.

Следната изведба на претставата е во четврток, 31 октомври, со почеток во 20 часот, велат од Центарот за култура.

Билетите по цена од  300 денари ќе бидат достапни во билетарата при Центарот почнувајќи од понеделник, 28 октомври.

OhridNews