Црвен крст Охрид се приклучува на апелот на Црвениот крст на РСМ за собирање на средства за помош на настраданото население во Босна и Херцеговина погодено од катастрофални поплави кои однесоа преку 20 човечки животи, а илјадници луѓе останаа без покрив над главата.
Црвен крст Охрид во соработка со Здружението на поети за возрасни и деца-Кладањ, Босна и Херцеговина, а со поддршка на Општина Охрид и Центарот за култура „Григор Прличев“ Охрид, организира хуманитарна театарска претстава за деца од прво до шесто одделение, во која ќе настапуваат актери од Босна и Херцеговина, велат.
Претставата со наслов „ЦВЕТОТ НА ВЉУБЕНАТА ПЧЕЛА“ ќе се одржи во Центарот за култура „Григор Прличев“ на 1.11.2024 г. (петок) со почеток во 13 часот.
Средствата собрани од продажбата на влезниците, по цена од 150 денари, ќе бидат наменети за населението во реонот на Јабланица и Коњиц, кои претрпеа најмногу оштетувања во поплавите. Да ги воспитуваме нашите деца во духот на хуманоста и солидарноста и овозможиме да уживаат во детската театарска претстава, потенцираат од Црвен крст Охрид.
OhridNews
