На иницијатива на членовите ма бендот „Limitles“ од Охрид, а со поддршка на Лајнс клубот „ Лихнидос“ и други помагатели, на 28- ми февруари, сабота, ќе се одржи хуманитарен концерт за помош на 12- членото семејство Марџиеви кое го изгуби домот во пожар.
– Да им ги вратиме топлиот дом и изгубените спомени на семејството Марџиеви. Жално е 12- члено семејство да се остави на улица без покрив на главата. Затоа да ја покажеме нашата хуманост и да се собереме во што поголем број, порачуваат организаторите.
Концертот на кој ќе настапат ансамблот Билјана, Петар Маркоски, Ѓоко Танески, Камелеон ќе се одржи во Центарот за култура со почеток во 20 часот.
Цена на влезниците е 100 денари.
OhridNews
