Младите од охридскиот Црвен крст во соработка со пекарите на територијата на Охрид и Дебарца следниов викенд ќе реализира хуманитарна акција под мотото „ДОРУЧКУВАЈТЕ СО НАС – РАЗБИЈТЕ ЈА ТИШИНАТА – ПОДАРЕТЕ СВЕТЛИНА”.
Акцијата ќе се одржи на 14.04.2007 (сабота) од 09:00 до :13:00 ч. на платото кај Чинарот, околу градската фонтана, каде дваесеттина пекари ќе продаваат свои производи.
Средствата собрани од оваа акција ќе бидат наменети за набавка на помагала за глуви, наглуви и слепи деца од Здружението на глуви и наглуви и Здружението на слепи лица од Охрид и Дебарца.
