Неочекувано лесно Хрватската репрезентација го совлада домаќинот Македонија со убедлви и високи 34-20 (16-06).
Полната сала и одличната публика се покажаа како мотив повеќе за “коцкестите“ кои немилосрдно ја казнуваа секоја наша грешка.
Нашите делуваа изгубено на теренот, а првиот гол го постигнаа дури во 12` при резултат 0-9.
Убедливата предност избраничките на Млинариќ успеаа да ја одржат во продолжението на натпреварот.
Во останатиот натпревар во нашата група Бразил ја совлада Австрлија со 34-12.
Македонија шансата за пласман во “главната“ рунда ќе ја бара во мечот со Бразил в Сабота.
М.Постоловски
