– Атмосферата во селекцијата и понатамошнио тек во групата зависат најмногу од дуелот со Македонија. Јас како фудбалер и спортист никого не потценувам и секој меч го играм како финале – истакна новиот фудбалер на “баварците“ Марио Манџукиќ.
Селекторот на Хрватска, Игор Штимац против Македонија ќе има деби на официјален меч после превземањето на функцијата.
– Ги гледавме снимките од мечевите со Португалија и Литванија. Во текот на целиот меч знаат што сакаат и брзо се трансформираат. Исто како и ние и тие имаат нов селектор кој направи неколку ротации во селекцијата и сигурно ќе донесе повеќе самодоверба. Се` на се не очекува одличен натпревар на “Максимир“ – потенцираше Штимац.
Македонија првиот натпревар од групата го игра в петок против Хрватска додека четири дена подоцна му гостува во Шкотска.
