Еден хотел на Малдивските Острови јавно се извинил кога се дознало дека швајцарски брачен пар, кој мислел дека во хотелот го обновува брачниот завет, всушност бил изложен на пцовки и навреди од страна на хотелскиот службеник. На видео снимката објавена на Ју Тјуб се гледа како хотелскиот службеник, правејќи се дека на локален јазик ги благословува младите, всушност ги навредува на највулгарен начин на сексуална и верска основа.
Министерот за надворешни работи на Малдиви, чие население е претежно муслиманско, за настанот изразил длабоко жалење и рекол дека едноставно е згрозен. Властите за случајот покренале и официјална истрага.
