Хотелот „Парк“ што се наоѓа на атрактивна локација на брегот на Охридското Езеро, веднаш до претседателската вила „Билјана“, по третпат се продава на меѓународен јавен тендер. Јавниот повик за продажба беше објавен на 19 овој месец, тендерската документација ќе може да се подигне до 15 ноември, а понудите ќе се отвораат на 17 декември.
Почетната цена која ќе биде пресудна за успешноста на продажбата, јавно не се соопштува, а ќе ја знаат само оние што ќе подигнат тендерска документација.
Двата претходни тендера за продажба на хотелот „Парк“, кој е дел од комплексот „Инекс-Горица“ беа безуспешни, а нема информација дали компанијата ја намалила почетната цена или во меѓувреме водела разговори со потенцијални купувачи.
Ohridnews
