Дејвид Гета и Зара Ларсон, тандемот кој ја изведе песната „This One’s For You“ на свеченото отворање на Европското првенство во фудбал во Париз, направи видео запис снимен ширум светот со луѓе од сите генерации.
Преку Њујорк, Бразил, малите села во Индија, гратчиња ширум Европа, приказната следи деца, тинејџери, професионални фудбалери и ентузијасти кои играат фудбал буквално на секое место каде можат да постават гол.
Без разлика дали се на улица, на пусто поле или пред десетина илјади гледачи, сите кои играат фудбал ги поврзува една работа – среќа.
Спотот веќе го погледнале над 4 милиони луѓе, а после настапот на Гета пред Ајфеловата кула, како и на отворањето на првенството, песната бележи успеси и на светските топ листи.
OhridNews
