Многу луѓе кога ќе наполнат 70 години олучуваат да се смират и да живеат многу поопуштено. Но, не и Харисон Форд кој одлучил повторно да го облече шеширот и да го земе камшикот на Индијана Џонс. Имено, Форд следната година ќе наполни 70 години, а неодамна започнал разговор со режисерот и продуцент Стивен Спилберг околу снимањето на петтиот дел на филмот за популарниот авантурист. Снимањето би требало да започне следната година, а Спилберг и Џорџ Лукас сеуште работеле на приказната.
Не сакале да откријат детали околу филмот, но се споменува дека повторно ќе има некаква врска со кристалните черепи. Иако по последниот дел Харисон Форд изјавил дека е време да престане да го облекува костумот на Индијана Џонс, актерот се предомислил. Харисон во свој манир ги потврдил шпекулациите и изјавил дека е спремен и достапен.
