Охридската хардкор гордост HARDFACED, еден од најактивните и најмоќните бендови од нашата сцена кој зад себе веќе има два албуми и неуморно работи на веќе третиот албум, во петок на 2-ри Март ќе настапи на концертот на BORN FROM PAIN во Скопје.
Born From Pain се формирани во Холандија пред 15 години и се едни од основоположниците на Европската хардкор-метал сцена.Зад себе имаат 6 албуми и многу турнеи по целиот свет.
На концертот во клубот Хавана ќе настапат и Непокор од Тетово. Почетокот е закажан за 20:30 часот, а влезниците ќе чинат 300 денари.
