Група В: Бекче и Сатеска тргнааa со победи

Мини дербито во В групата и припадна на минатогодишниот финалист екипата на Бекче која минимално со 1-0 го совлада тимот на Инекс Горица. Стрелец на едниствениот погодок беше Лолески Ристе во финишот на првиот дел.

– Еден гол го одлучи победникот, што покажува дека турнирот е квалититен. Во наредните мечеви не очекуваат уште вакви натпревари. Групата е квалитетна а второто коло ќе биде решавачко за изгледот на групата – рече голманот на Бекче, Чипаноски.

– Едно невнимание во одбраната не “кошташе“ пораз. Мечот помина во “машка“ игра, а се надевам дека во наредните натпревари среќата ќе ни се насмевне и ќе обезбедиме пласман во наредната фаза – истакна, чуварот на мрежата на Инекс Горица, Маркоски.

Екипата на Сатеска направи огромен чекор кон пласман во нок аут фазата по триумфот над АСМ Рача со 3-1. По првиот дел “црвените“ имаа позитива од 1-0 благодарение на погодокот на Секулоски Никола. На стартот на вториот дел водството го зголеми Бочески Дарко. Резултатската неизвеснот ја врати Трифуноски Христијан. Сепак со голот на Стефаноски Димче, “домаќините“ не ја испуштија предност и забележаа вреден триумф.

– Брзите погодоци во првиот дел, ни го отворија првиот дуел на турнирот. Успеаа резултатски да се вратат во второто полувреме, но по една контра ја заверивме победа која широко ни ги отвара вратите за пласман во најдобрите 16 – потенцираше Секуловски.

– Ние одигравме добро, но противничката екипа ги искористи приликите за погодок. Патот за понатаму ни се отежнува, но ние со сите сили ќе се бориме да играме во 1/8 финалето – вели Џајкоски.