Освојувачот на турнирот во 2010 година Спарадајс и еден од фаворите за златниот медал Бел Мерцедес со победа го отворија првото во Групата Г.
Екипата на Спарадајс со “петарда“ ги поздрави младите фудбалери на Теди Комерц. Тандемот на Спарадајс, Танаскоски и Лескароски кои ги искомбинираа петте погодоци беа нерешлива енигма за одбраната на Теди Комерц, почесниот гол за поразената екипа го постигна Усеини од пенал.
– Задоволни сме од играта од резултатот, добро го отворивме турнирот. Остваривме убедлива победа, а се надевам дека ќе продолжиме во исто темпо. На секој турнир па и овој, нашите амбиции се големото финале – истакна Матески.
– Изгубивме во првиот натпревар, но не губиме надеж одиме до крај. Прв пат играме на турнирот, кој е добро организиран и посакувам да стане традиција – вели голманот на Теди Комерц, Маркоски.
Тимот на Бел Берцедес со 3-1 ја совлада екипата на Враништа. Во првиот дел Ецкоски го отвори резултатот, но фудбалерите на “гостинската“ екипа не се предадоа и преку Милески го изедначија резултатот.
Со два погодоци во серија, Стојкоски го одлучи победникот и ги донесе првите бодови за “мечките“ во Групата Г.
– Искуството си го направи своето, долго време играме заедно. Ние се базираме на нашето искуствот, а така го добивме и мечот со Враништа. Наша цел и мото е на секој натпревар одиме на победа – рече стрелецот на два погодоци за Бел Мерцедес, Стојкоски.
– Ние одигравме со доста млада екипа, наспроти нашиот противник кој има “вистински“ фудбалери. Се покажавме во добра слика, на мечот успеавме да се вратиме но немавме сили за нешто поконкретно – истакна Затуроски.
Група Г
Бел Мерцедес – Враништа 3-1
Теди Комерц – Спарадајс 1-5
Табела:
| 1. Спарадајс | 1 | 1 | 0 | 0 | 5-1 | 3 |
| 2. Бел Мерцедес | 1 | 1 | 0 | 0 | 3-1 | 3 |
| 3. Враништа | 1 | 0 | 0 | 1 | 1-3 | 0 |
| 4. Теди Комерц | 1 | 0 | 0 | 1 | 1-5 | 0 |
Наредни натпревари :
30.03 21.00 Бел Мерцедес – Спардајс
30.03 22.00 Теди Комерц – Враништа
03.04 21.00 Спарадајс – Враништа
03.04 22.00 Бел Мерцедес – Теди Комерц
Мх.П.
