Екипата на Инбокс со прсврт го совлада Телеком и се пласираше во нок аут фазата од турнирот во мал фудбал Охрид 2012.
“Поштарите“ до предност дојдоа со голот на Симоновски, што беше и едниствениот погодок во првиот дел од мечот. Инбокс притисна во вториот дел, но наместо противничката ,се тресеше нивната мрежа откако Сарафилоски искористи еден контра напад и зголеми на 2-0.
По вториот примен гол, “црвените“ фрлија се на една карта, а таквата игра се исплатеше. Јакупи Силвин го намали водството на “поштарите“. Истиот фудбалер со погодок го круниса соло продорот на Кочоски и одличното проигрување на Реџеп.
Во финишот на мечот Телеком тргна кон нов погодок за предност, остави премногу простор кој Гаврилоски знаеше да го искористи, поставувајќи ги конечните 3-2.
– Заслуживме да славиме, иако се најдовме во негатива од два гола, ние сме млада екипа и очекувам да стигнеме далеку на овој турнир. На два меча успеваме да се вратиме од негатива, па нека се мислат нашите наредни противници – вели најдобриот фудбалер во победничката екипат Кочоски Валентин.
Вис Пој ја продолжи победничката низа откако со 3-1 ја совлада екипата на Бет ет Хоум. Серијата погодоци ја отвори Јованоски Стефче, а на неговиот погодок возврати Христовски во последната минута од првиот дел.
Со погодокот на најдобриот стрелец во тимот на Вис Пој, Ѓеоргиевски повторно портокаловите се вратија во предност. “Зелените“ имаа огромна можност повторно да го изедначат резултатот, но Лазески го одбрана ударот на Христовски од линијата за седум метри.
Натпреварот надвор од дофат го стави Пазаркоски кој одлично реагираше по додавањето на Стефаноски.
– И овој меч покажа дека нема слаби екипи на турнирот. Нашето искуство беше пресудно во триумфот. На нивна страна беше притисокот за победа, додека за нас важно беше да останеме непоразени и да го задржиме првото место на табелата, кое ќе ни донесе полесен противник во осминафиналето – рече Стефаноски Дејан
Група Ѓ
Телеком – Инбокс 2-3
Вис Пој – Бет ет Хоум 3-1
Табела:
| 1. Вис Пој | 3 | 3 | 0 | 0 | 11-5 | 9 |
| 2. Инбокс | 3 | 2 | 0 | 1 | 8-6 | 6 |
| 3. Бет ат Хоме | 3 | 1 | 0 | 2 | 6-6 | 3 |
| 4. Телеком | 3 | 0 | 0 | 3 | 5-12 | 0 |
Ohridnews
