Фудбалерите на Ликвид и Кадмо забележаа победи во првите мечеви од Б групата.


Ликвид со убедливи 5-0 славеше триумф над Охридски Комуналец. Целата работа беше завршена во првиот дел кога со погодоците на Атај, на два пати Муминоски и еднаш Бимбилоски, Ликвид направи солидна предност. Во вториот дел серијата голови ја комплетираше најдобриот играч на мечот Атај.


– Им честитам на противниците за добрата игра на мечот. Во натпреварот влеговме со една цела да ги освоиме трите бода, и успеавме – рече членот на Ликвид, Игор Војдиноски.


– Сосема заслужено триумфираше екипата на Ликвид, нам ни останува во следните два натпревари да ја поправиме сликата од првиот меч на турнирот – истакна Силјаноски, фудбалер на тимот Охридски Комуналец.

Кадмо предводен од двоецот Чашитоски – Толески “лесно“ се справи младата екипа на Ванчо Питошески. 


Во првиот дел Чашитоски ги доведе во предност “домаќините“, додека истиот фудбалер во финишот го удвои водството. Со првиот гол на турнирот Гоце Толески ја зголеми предноста на 3-0, додека почесниот гол беше дело на Максуди Мохамед.


– Противничката
екипа беше млада и неискусна, тоа го искористивме поведовме и рутински
го спроведовме мечот во финишот.Во секој нареден натпревар одиме на
победа да избориме пласман во нок аут фазата – вели Чашитоски.



– Нашата екипата е составена од осум ученици, и двајца професори. Мене ми е многу драго,што децата играа со срце. На почетокот беа многу возбудени но ова за преставува откривање на тајните, на малиот фудбал – потенцираше Андреески Тони.

Група Б

Ликвид –  Охридски Комуналец 5-0
Кадмо  –  Ванчо Питошески 3-1

Табела:

1 Ликвид 1 1 0 0 5-0 3
2 Кадмо 1 1 0 0 3-1 3
3 Ванчо Питошески 1 0 1 0 1-3 0
4 Охридски Комуналец 1 0 0 1 0-5 0

Наредни натпревари:
01.04 19.00 Ликвид  – Ванчо Питошески
01.04 20.00 Кадмо – Охридски Комуналец
04.04 19.00 Ванчо Питошески – Охридски Комуналец
04.04 20.00 Ликвид – Кадмо

Ohridnews