Првиот натпревар од третата рунда во А Групата им припадна на Охридски Комуналец кои со 5-2 ги совладаа “учениците“ на Ванчо Питошески. 

По првиот дел “црвените“ имаа предност од 3-1. Абазоски ја доведе екипата на Охридски Комуналец во предност, неколку минути потоа Баналоски ја дуплираше. “Учениците“ не се предадоа, и преку Трајковски го намалија резултатот, до крајот на полувремето Охридски Комуналец погоди уште еднаш а стрелец на голот беше Ристески.

На почетокот од вториот дел, “плавите“ со голот на Михаилов го намалија резултатот на 3-2 и комплетната ја вратија неизвесност во мечот. Баналоски со “парот“ погодоци во финишот стави печат на победата за Охридски Комуналец и пласман во понатамошната фаза. 

– Турнирот е големи искуство за нашите дечиња, кој е прекрасно организиран. Ние иако загубивме два натпревари не разочаравме. На мечот со Охридски Комуналец имавме неколку прилик за погодок додека резултатот беше активен но за жал не ги искористивме. Со турнирот се покажа дека во Охрид има потенцијал и го сакаат фудбалот – истакна професорот во средното училиште, Андреески Тони.

Кадмо со убедливи 4-1 триумфираше во “езерското“ дерби со Ликвид и “исплива“ на првата позиција во А групата. Мрежите во првиот дел мируваа, а претежно играта се одвиваше на средината на теренот.


Во вториот дел “црните“ беа тие кои први се размавнаа и за седум минути постигнаа четири погодоци во кој го решија победникот.  Толески Гоце стрелаше два пати додека по еднаш мрежата на Ликвид ја затресоа Елвис Бајрам и Трифуноски Коста. Почесниот погодок за “белите“ го постигна Атај Уљо. 



– Натпреварот беше тврд, ние бевме тие кои го повлекоа првиот чекор на мечот, а потоа се` беше полесно. За 1/8 финалето немаме “пикирано“ некој противник но добро е што сме први во групата и ќе избениме потесните фаворити – потенцираше “џокерот“ на Кадмо, Зоран Томановски.

Резултати :

Ванчо Питошески – Охридски Комуналец 2-5

Ликвид – Кадмо 1-4

Табела:

1 Кадмо 3 2 1 0 7-2 7
2 Ликвид 3 1 1 1 9-7 4
3 Охридски Комуналец  3  1 1 1 5-7 4
4 Ванчо Питошески 3 0 1 2 6-12 1
Мх.П.