Во врска со одржување на предрвемени избори, претседателот на ВМРО ДПМНЕ и премиер, Никола Груевски, вели дека владејачката партија во секој момент е подготвена за изборно соочување.
– Дали СДСМ би сакал да бидат сега, веднаш т.е. кон крајот на јули, бидејќи законски е да се имаат минимум 45 денови за организирање избори, или ако сакаат во август, септември, ноември или во април следната година. Ние веруваме во она што го работиме и веруваме дека граѓаните тоа го почитуваат, го ценат, следат и дека повторно ќе добиеме убедливо мнозинство и поддршка од граѓаните на Република Македонија, изјави Груевски при посетата на Ресен.
Премиерот прече дека во Брисел не прифатиле техничка влада, ниту преодна влада, ниту нешто слично, а тоа што се случувало биле различни идеи на луѓе кои се обидуваа да помогнат, а кои господинот Заев ги одбил од прва до последна. Јас тоа не го доживувам како успех, изјави Груевски прашан за коментар на изјавата на лидерот на СДСМ Зоран Заев дека по Брисел работите се движеле во позитивен правец.
– Ако за него позитивен правец е да се кочат преговорите, да завршуваат со неуспех и со тоа да се прави штета на Македонија, пред се на македонската економија, на отворањето на нови работни места, на привлекување инвеститори, штета на имиџот на државата, тогаш тоа е своевиден успех што тој го доживува како успех. Јас не го доживувам како успех, рече Груевски по посетата на градбата на куќата на Татарчеви во Ресен.
Јас, додаде Груевски, и не дадов коментар за повеќе од нив бидејќи тој ги одби и јас не може да одбивам или прифаќам нешто што веќе е одбиено.
– На крајот се се сведе на еден негов предлог кој јас го одбив. Разговорите се надевам, дека ќе продолжат на еден или друг начин, рече Груевски. ж
OhridNews
