Името „Северна Македонија“ да се употребува во односите со сите држави и меѓународни организации е црвената линија преку која Грција нема да помине. Ова на медијаторот за решавање на разликите околу името на нашата држава, Метју Нимиц, му го пренел грчкиот преговарачот Адамантиос Василакис.

На средбата што синоќа се одржа во Њујорк, Василакис изнел сериозни забелешки на грчката страна на последниот пртедлог, кој преговарачот на ОН го оцени како најфер до сега.

Сепак како што пренесуваат агенциите, Грција не го отфрла во целост предложениот пакет, но бара одредени корекции во најновиот предлог на Нимиц.

Нимиц утре ќе се сретне со македонскиот преговарач за името, Зоран Јолески, по што не се исклучува можноста тој во наредните неколку недели да излезе со нов, преработен предлог, кој ќе ги вклучува забелешките на двете страни.

Ohridnews