Колумбиски авион се урна откако бил погоден од гром, јавува „Макфакс“, повикувајќи се на информации од светскиот сервис на Би-Би-Си. Во несреќата според колумбиските власти загинало најмалку едно лице.


Авионот од типот Боинг 737, што превезувал 131 патник, се обидувал да слета на карипскиот остров Сан Андрес, во Карипското море во услови на невреме.

Патничкиот авион на локалната авиокомпанија „Аирес“ се урнал пред пистата. Досега има информација дека во несреќата се повредени 34 патници, од кои дел потешко.

OhridNews
извор: „Макфакс“