Откако грчкиот фудбалски клуб Олимпијакос остана без тренер, медиумите од јужниот сосед како наследник го назначија селекторот на македонската фудбалска репрезентација, Чедомир Јаневски.
Јаневски бил забележан во Атина, но тој имал приватна работа, а одвоил и време да го проследи натпреварот помеѓу Олимпијакос – Јанина. Грчките медиуми веднаш го седнаа Јаневски на жешката клупа на “црвено белиот“ состав.
Од фудбалската федерација на Македонија кога исплива ваква информација веднаш преку потпаролот Златко Андоновски ја демантираа – Селекторот беше во приватна посета на Атина, а таму има многу пријатели од времето кога Јаневски беше во стручниот штаб. Грчките медиуми го злоупотребија неговото присуство – посочи потпаралот на ФФМ.
Мх.П.
