Градоначалникот Никола Бакрачески, во рамки на своите заложби за активна партиципација на граѓаните во процесот на креирање на политики во интерес на општина Охрид, на 27 мај- среда, на плоштадот „Св. Климент Охридски“ организира „Ден на идеи“.
Директори од охридските јавни претпријатија, раководители на сектори и одделенија и стручни лица од службите на општина Охрид , непосредно ќе контактираат со охриѓани кои ќе имаат можност да даваат свои идеи, предлози или сугестии а со тоа директно да учествуваат и имаат придонес во успешното работење на општина Охрид.
– Целта на случувањето е да се постигне кохезија, соработка меѓу охриѓани и Локалната власт, да се направи синергија на идеите кои ги имаат граѓаните во насока на креирање на определени проекти и политики, велат од локалната самоуправа.
Настанот ќе трае од 10 до 18 часот .
OhridNews
