–Идејата инфраструктурно да и се помогне на општина Пустец јас лично ќе ја презентирам на наредната средба на ЗЕЛС и ќе се заложам за реализација на еден ваков проект. Сите знаеме дека сега е време на криза, но малку помош од нас, за граѓаните на Пустец значи многу – истакна градоначалникот Александар Петрески.
Градоначалникот на Пустец, Едмон Темелко, изрази благодарност за гостопримството во Охрид и надеж дека вакви средби ќе има и во иднина.
– Ние, Македонците во Република Албанија одсекогаш сме отворени за соработка и секојдневна комуникација со нашата матична држава. Денес поминавме прекрасен ден во Охрид, кој е навистина убав град со многу културно – историски споменици. За да ја запознаеш Македонија треба најпрво да го запознаеш Охрид – рече градоначалникот Едмонд Темелко.
