Според објавата на црногорската Влада, горивата во земјата се со најниски цени во регионот. На својот инстаграм-профил Владата во Подгорица објавува дека литар бензин “Супер 95” во земјата чини 1,26 евра, 1,35 евра во Словенија, 1,37 евра во Северна Македонија, 1,39 евра во Хрватска, 1,46 евра во Босна и Херцеговина, 1,48 евра во Србија, 1,69 евра во Албанија.

Цената на еден литар бензин “Супер 98” во Црна Гора е 1,30 евра, во Северна Македонија – 1,40 евра, во Хрватска – 1,46 евра, во Србија – 1,65 евра, во Босна и Херцеговина – 1,67 евра и во Словенија – 1,70 евра, велат од црногорската Влада.

Со цена од 1,48 евра за литар дизелот е најевтин во Црна Гора и во Северна Македонија, додека останатите цени во регионот се движат од 1,52 евра во Хрватска, 1,60 евра во Словенија, 1,64 евра во Босна и Херцеговина, 1,83 евра во Србија, 1,88 евра во Албанија до 1,90 евра во Косово.

Ги поддржуваме и граѓаните и економијата, се додава во инстаграм објавата на црногорската Влада.

OhridNews