По десети пат во месноста Лагадин утре, 30-ти септември, ќе биде одбележан празникот посветен на великомаченичката Софија и нејзините ќерки Љубов, Вера и Надеж. По традиција на овој ден во Лагадин доаѓаат тие што ги носат имињата на светиците, како и голем број верници.
Свечената прослава по повод овој православен христијански празник годинава ќе почне во 14.30 часот кај црквичката посветена на светите маченички.
Црквата во 2000 година ја изгради охриѓанецот Љупчо Патче, кој пред една деценија ја започна оваа убава традиција. Собраните пари од верниците тoj ги донира за помош на болните и изнемоштени лица, и во други добротворни цели.
OhridNews
