Еден од најдобрите светски пијанисти, Борис Березовски, синоќа одржа незаборавен концерт во катедралната црква Св. Софија. Березовски кој за прв пат настапува на Охридско лето го покажа целиот свој раскошен талент воодушевувајќи ја публиката која го награди со неколкуминутни аплаузи. Блескавиот концерт, Березовски го заврши со три биса.


Голем концерт на рускиот виртуоз Березовски, хонорарот за добротворни цели

Во знак на извинување поради неговото одложување на концертот кој требаше да се одржи на 12 август, големиот пијанист се откажа од хонорарот во висина од 8000 евра кој требаше да го добие за настапот на Охридско лето и го подари во хуманитарни цели.

Березовски кажа дека средствата ќе одат за помош на малата Теодора од тетовското село Долно Седларце, на која итно и е потребна втора операција на срцето.

Ohridnews