Македонскиот претставник на Евросонг 2010, што се одржува во Осло-Норвешка, охриѓанецот Ѓоко Танески, ќе настапи денеска во првата полуфинална вечер. Танески со песната „Јас ја имам силата“ ќе се обиде да обезбеди пласман во големото финале на 29 мај, за што подеднакво ќе одлучуваат гласовите од телевоунтингот и од жирито.
Во првото евровизиско полуфинале ќе има 17 изведувачи, а нашиот Ѓоко ќе настапи како петнаесетти. Телевоунтингот ќе запоне со изведбата на првата песна и ќе трае 15 минути по завршувањето на последната нумера. Пласман во финале ќе обезбедат најдобрите 10 композиции.
Пробите на македонскиот евровизиски тим според инфомациите од Осло минале во најдобар ред, а добар впечаток кај делегациите оставила и Македонската вечер, на која Ѓоко ја отпеал „Јас ја имам силата“, како и неколку изворни македонски песни.
Првата полуфинална вечер во арената „Теленор“ во Осло започнува во 21 часот.
OhridNews
