Годинава што е на истек успешно ја посветивме на ранливата категорија граѓани, но и на сите оние на кои им беше потребна помош, велат од општинската организација на Црвениот крст Охрид.
Организацијата денеска организира предновогодишна средба со волонтерите и соработниците.
“Во 2008 година преку 400 семејства помогнавме со прехранбени продукти, облека и техничка помош. Го реализиравме проектот на ГТЗ за планински патеки, а секако сакам да го истакнам и ангажманот на спасителите на вода кои преку целото лето беа присутни на брегот на Охридското Езеро. Тука е големата активност и на тимовите за брза помош кои беа присутни на многу манифестации што се случија годинава во Охрид“, изјави претседателот Сашо Точков.
Идната година ќе биде исто така исполнета со задачи од кои поголемиот дел се веќе испланирани. Покрај традиционалните акции и кампањи, Црвениот крст ќе се посвети и на трговијата со луѓе како и на справувањето со СИДА-та.
Градоначалникот Александар Петрески заедно со оваа најгоема хуманитарна организација, утре во 13 часот во угостителскотоучилиште „Ванчо Питошески“ ќе организира свечен ручек за децата од здруженијата на слепи и глуви, како и децата со друг вид хендикеп. Во оваа пригода ним ќе им бидат доделени и новогодишни пакетчиња.
Ohridnews
