Американецот Херолд Велкер не можел да верува кога пред неколку дена добил повик од полицијата во Лос Анџелес за да го известат дека бил пронајден неговиот камион кој бил украден 1972 година. Херолд никогаш не престанал да го бара своето возило, кое сега претставува вистински олдтајмер.
Со години ги посетувал сите саеми на стари автомобили надевајќи се дека ќе го пронајде. Полицијата го пронашла кога еден брачен пар од гратчето Модесто се обидел да го регистрира. Тие на полицијата и рекле дека го добиле од некој роднина и дека не знаеле оти е украден. Сега се утврдува како возилото било регистрирано во претходните години.
